(Ռ.Վ.- 7 Հոկտեմբեր 2014) Ի տես Ընտանիքի նիւթին նուիրուած եպիսկոպոսական
արտակարգ Գ սիւնհոդոսին, որ տեղի կ՛ունենայ Վատիկանի մէջ, 4 – 19 հոկտեմբեր 2014 եւ որուն
աշխատանքները սկիզբ առին երկուշաբթի, 6 հոկտեմբեր 2014-ի առաւօտեան, Վատիկանի ընկերային
հաղորդամիջոցներու ջանքերով, լոյս տեսած է յատուկ կայքէջ մը ` synod14.vatican.va հասցէին
վրայ, ուր օրէ օր պիտի տեղադրուին սիւնհոդոսի աշխատանքներու մասին լուրեր, տեղեկութիւններ,
հարցազրոյցներ եւ լսատեսողական յայտագիրներ։ Կայքէջը կը պարունակէ նաեւ հակիրճ տեսերիզ
մը Սիւնհոդոսի, անոր նշանակութեան եւ գործունէութեան մասին http://www.youtube.com/watch?v=e3kQeHnDHyc#t=16։